CARANG GUMIWANG LAN CONTONE UNEN-UNEN CARANG GUMILANG
CARANG GUMIWANG 1
Swasana surem-surem diwangkara kingkin
Mugi sedaya tansah pinayungan Karaharjan
CARANG GUMIWANG 2
Mapag sunaring raditya
Cahyane ora mung ngulap ulapi
Nanging kepara bisa gawe pepadhang ing saindenging bawana
CARANG GUMIWANG 3
Tansah eling lan sumendhe mring panguasane kang akarya jagat,mugi tansah njangkung marang sakabehing titah
Rahayu sagung dumadi
CARANG GUMIWANG 4
Tak tulis ing guritku
Tak sanggit ing angenku
Tak selehke pangangkahku
Ing sunaring bagaskara
Kang sabendina tansah gawe pepadhang.
Dhuh kang rasa padhanga
pindha gumelare jagat ing wanci enjang
CARANG GUMIWANG 5
Tansah muhung kang nggelar jagat agung
Mugi tansah pinaringan kabagas warasan, tetep bisa ngabekti lan migunani tumrape jagat sesrawungan
CARANG GUMIWANG 6
Kaya ngenteni tetese bun ing bedhug tengahe
Mokal lamun
Nanging mangsakala bakal tumiba udan sajrone panase srengenge