Lumunturing Budaya
ꦭꦸꦩꦸꦤ꧀ꦠꦸꦫꦶꦁꦧꦸꦣꦪ
Tumetesing waspa dumlewer ing pangarasanku.
Nglentrihing pandulu ginambar ing netraku.
Acluming praupan kawistara ing pasuryanku.
Legeg trenyuh ginawa ing penggalihku.
Amirsani jaman saiki
Tumraping polah tingkahing putra lan putri.
Kang wis ninggalake subasita.
Nerak angger-anggering budaya.
Lali ing tatakrama mbuwang sakabehing unggah-ungguh basa
Kabeh rumangsa nistha.
Yen isih ngugemi pranatan budhaya bangsa.
Senadyan jaman wis maju.
Aja banjur dadi kleru.
Crita leluhur ginubah sawiyah-wiyah.
Busana owah saka samesthine.
Tetunggangan, wisma, laladan, rinipta beda saka asline.
Apa kita wis ora ngregani budhaya kita dhewe ?
Apa budhaya kita wis ora ana ajine ?
Apa budhaya kita wis kadaluwarsa ?
Apa budhaya kita wis luntur ?
Pemuda pemudi jaman saiki.
Unggah ungguh basa wis dilirwakake.
Tata krama wis ditinggalna.
Tata wicara wis ninggalake subasita.
Apa sing salah sekolah ?
Apa sing salah Ibu Bapak ?
Apa kabeh salah ?
Nyatane budhaya bangsa wis arep luntur amarga pokale kita dhewe.
(Ki Andonowarih)
Akara Jawanipun :
ꦭꦸꦩꦸꦤ꧀ꦠꦸꦫꦶꦁꦧꦸꦣꦪ
꧋ꦠꦸꦩꦺꦠꦺꦱꦶꦁꦮꦱ꧀ꦥꦣꦸꦩ꧀ꦭꦺꦮꦺꦂꦆꦁꦥꦔꦫꦱꦤ꧀ꦏꦸ꧉
꧋ꦔ꧀ꦭꦼꦤ꧀ꦠꦿꦶꦲꦶꦁꦥꦤ꧀ꦝꦸꦭꦸꦒꦶꦤꦩ꧀ꦧꦂꦆꦁꦤꦼꦠꦿꦏꦸ꧉
꧋ꦄꦕ꧀ꦭꦸꦩꦶꦁꦥꦿꦻꦴꦥꦤ꧀ꦏꦮꦶꦱ꧀ꦠꦫꦆꦁꦥꦱꦸꦂꦪꦤ꧀ꦏꦸ꧉
ꦊꦒꦼꦒ꧀ꦠꦿꦼꦚꦸꦃꦒꦶꦤꦮꦆꦁꦥꦼꦁꦒꦭꦶꦃꦏꦸ꧉
ꦄꦩꦶꦂꦱꦤꦶꦗꦩꦤ꧀ꦱꦻꦏꦶ
꧋ꦠꦸꦩꦿꦥꦶꦁꦥꦺꦴꦭꦃꦠꦶꦁꦏꦲꦶꦁꦥꦸꦠꦿꦭꦤ꧀ꦥꦸꦠꦿꦶ꧉
ꦏꦁꦮꦶꦱ꧀ꦤꦶꦁꦒꦭꦏꦺꦱꦸꦧꦱꦶꦠ꧉
ꦤꦼꦫꦏ꧀ꦄꦁꦒꦺꦂꦄꦁꦒꦺꦫꦶꦁꦧꦸꦣꦪ꧉
꧋ꦭꦭꦶꦆꦁꦠꦠꦏꦿꦩꦩ꧀ꦧꦸꦮꦁꦱꦏꦧꦺꦲꦶꦁꦈꦁꦒꦃꦈꦁꦒꦸꦃꦧꦱ
ꦏꦧꦺꦃꦫꦸꦩꦁꦱꦤꦶꦱ꧀ꦛ꧉
꧋ꦪꦺꦤ꧀ꦆꦱꦶꦃꦔꦸꦒꦺꦩꦶꦥꦿꦤꦠꦤ꧀ꦧꦸꦣꦪꦧꦁꦱ꧉
ꦱꦼꦤꦣꦾꦤ꧀ꦗꦩꦤ꧀ꦮꦶꦱ꧀ꦩꦗꦸ꧉
ꦄꦗꦧꦚ꧀ꦗꦸꦂꦣꦝꦶꦏ꧀ꦭꦼꦫꦸ꧉
ꦕꦿꦶꦠꦊꦭꦸꦲꦸꦂꦒꦶꦤꦸꦧꦃꦱꦮꦶꦪꦃꦮꦶꦪꦃ꧉
ꦧꦸꦱꦤꦎꦮꦃꦱꦏꦱꦩꦺꦱ꧀ꦛꦶꦤꦺ꧉
꧋ꦠꦼꦠꦸꦁꦒꦔꦤ꧀ꦮꦶꦱ꧀ꦩ꧈ꦭꦭꦣꦤ꧀ꦫꦶꦤꦶꦥ꧀ꦠꦧꦺꦣꦱꦏꦄꦱ꧀ꦭꦶꦤꦺ꧉
꧋ꦄꦥꦏꦶꦠꦮꦶꦱ꧀ꦎꦫꦔꦿꦼꦒꦤꦶꦧꦸꦣꦪꦏꦶꦠꦣꦼꦮꦼ?
꧋ꦄꦥꦧꦸꦣꦪꦏꦶꦠꦮꦶꦱ꧀ꦎꦫꦄꦤꦄꦗꦶꦤꦺ?
ꦄꦥꦧꦸꦣꦪꦏꦶꦠꦮꦶꦱ꧀ꦏꦣꦭꦸꦮꦂꦱ?
ꦄꦥꦧꦸꦣꦪꦏꦶꦠꦮꦶꦱ꧀ꦭꦸꦤ꧀ꦠꦸꦂ?
ꦥꦼꦩꦸꦣꦥꦼꦩꦸꦣꦶꦗꦩꦤ꧀ꦱꦻꦏꦶ꧉
ꦈꦁꦒꦃꦈꦁꦒꦸꦃꦧꦱꦮꦶꦱ꧀ꦝꦶꦭꦶꦂꦮꦏꦏꦺ꧉
ꦠꦠꦏꦿꦩꦮꦶꦱ꧀ꦝꦶꦠꦶꦁꦒꦭ꧀ꦤ꧉
ꦠꦠꦮꦶꦕꦫꦮꦶꦱ꧀ꦤꦶꦁꦒꦭꦏꦺꦱꦸꦧꦱꦶꦠ꧉
ꦄꦥꦱꦶꦁꦱꦭꦃꦱꦼꦏꦺꦴꦭꦃ?
ꦄꦥꦱꦶꦁꦱꦭꦃꦆꦧꦸꦧꦥꦏ꧀?
ꦄꦥꦏꦧꦺꦃꦱꦭꦃ?
꧋ꦚꦠꦤꦺꦧꦸꦣꦪꦧꦁꦱꦮꦶꦱ꧀ꦄꦫꦺꦥ꧀ꦭꦸꦤ꧀ꦠꦸꦂꦄꦩꦂꦒꦥꦺꦴꦏꦭꦺꦏꦶꦠꦣꦼꦮꦼ꧉
(ꦏꦶꦄꦤ꧀ꦝꦺꦴꦤꦺꦴꦮꦫꦶꦃ)
Manaknipun :
Perjalanan Budaya
Setetes air mengalir ke dalam pikiranku.
Cahaya terang muncul di mataku.
Kerut muncul di wajahku.
Perasaan sedih tercipta di hatiku.
Lihatlah masa kini.
Perilaku anak laki-laki dan perempuan.
Mereka yang telah meninggalkan warisan mereka.
Melanggar hukum budaya.
Melupakan tata krama, membuang semua kesopanan berbahasa.
Semua orang merasa malu.
Jika Anda masih berpegang teguh pada norma budaya bangsa.
Meskipun zaman telah maju.
Jangan salah sangka.
Kisah-kisah leluhur berubah dari hari ke hari.
Pakaian berubah dari yang diharapkan.
Pemandangan, rumah-rumah, lanskap, dan kreasi-kreasi telah berbeda dari aslinya.
Apakah kita telah kehilangan budaya kita sendiri ?
Apakah budaya kita telah kehilangan nilainya ?
Apakah budaya kita telah ketinggalanzaman ?
Apakah budaya kita telah memudar ?
Generasi muda saat ini.
Bahasa telah diabaikan.
Tata krama telah ditinggalkan.
Bahasa lisan telah ditinggalkan.
Apa yang salah dengan sekolah?
Apa yang salah dengan orang tua?
Apakah semuanya salah?
Bahkan, budaya bangsa akan segera lenyap karena kesalahan kita sendiri.
(Ki Andonowarih)
Imajiner Nuswantoro
ꦆꦩꦗꦶꦤꦺꦂꦤꦸꦱ꧀ꦮꦤ꧀ꦠꦺꦴꦫꦺꦴ
