Prabu Kresnadwipayana
Uga sinebut Prabu Rancakaprawa utawa Sutiknaprawa.
Garwane cacah telu yaiku Dewi Ambika, peputra Raden Destarasta kang cacat wuta nalika laut.
Ya Raden Destarasta Iki kang garwane Dewi Gendari duwe anak cacahe satus kang sinebut Saya Kurawa.
Garwa Dewi Ambalika peputra Raden Pandhu uga duwe cacat pucet lan tengeng.
Ya Raden Pandhu Iki kang garwane aran Dewi Kunti sarta Dewi Madrim peputra Pandawa kang cacah lima lanang kabeh.
Dewi Datri kapernah abdine Dewi Ambika uga dadi garwane Prabu Kresnadwipayana peputra Raden Yamawidura (Raden Widura).
Negarane prabu Kresnadwipayana iku ing Ngastina (Hastina).
Sawise tutug anggone jemuneng ratu tur yuswane wis sepuh prabu Kresnadwipayana banjur lereh keprabon diparingaje marang putrane kang aran Raden Pandhu mau. Sateruse Prabu Kresnadwipayana banjur mandhita lan ndhedhepok ing wukir Satarengga utawa wukir Retawu peparab Begawan Abiyasa.
Nalika isih jumeneng ratu ing Ngastina patihe iku ana loro yaiku Patih Jaya Prayitna lan patih Puracana.
Begawan Abiyasa yuswane dawa banget nganti jaman Parikesit ya putune Raden Janaka utawa putrane Abimanyu, jumeneng ratu ing Ngastina sabubare Baratayudha Begawan Abiyasa isih menangi.
Sawise paripurna jumeneng ratu Prabu Parikesit, Begawan Abiyasa banjur seda kanthi dipethuk kreta saka Swarga kang aran Kreta Cahya.
Pangapunten bilih kathah gesehipun.
Aksara Jawanipun :
ꦥꦿꦧꦸꦏꦿꦼꦱ꧀ꦤꦣ꧀ꦮꦶꦥꦪꦤ
꧋ꦈꦒꦱꦶꦤꦼꦧꦸꦠ꧀ꦥꦿꦧꦸꦫꦚ꧀ꦕꦏꦥꦿꦮꦈꦠꦮꦱꦸꦠꦶꦏ꧀ꦤꦥꦿꦮ꧉
꧋ꦒꦂꦮꦤꦺꦕꦕꦃꦠꦼꦭꦸꦪꦻꦏꦸꦣꦺꦮꦶꦄꦩ꧀ꦧꦶꦏ꧈ꦥꦼꦥꦸꦠꦿꦫꦣꦺꦤ꧀ꦝꦼꦱ꧀ꦠꦫꦱ꧀ꦠꦏꦁꦕꦕꦠ꧀ꦮꦸꦠꦤꦭꦶꦏꦭꦻꦴꦠ꧀꧈
꧋ꦪꦫꦣꦺꦤ꧀ꦝꦼꦱ꧀ꦠꦫꦱ꧀ꦠꦆꦏꦶꦏꦁꦒꦂꦮꦤꦺꦣꦺꦮꦶꦒꦼꦤ꧀ꦝꦫꦶꦣꦸꦮꦺꦄꦤꦏ꧀ꦕꦕꦲꦺꦱꦠꦸꦱ꧀ꦏꦁꦱꦶꦤꦼꦧꦸꦠ꧀ꦱꦪꦏꦸꦫꦮ꧉
꧋ꦒꦂꦮꦣꦺꦮꦶꦄꦩ꧀ꦧꦭꦶꦏꦥꦼꦥꦸꦠꦿꦫꦣꦺꦤ꧀ꦥꦤ꧀ꦝꦸꦈꦒꦣꦸꦮꦺꦕꦕꦠ꧀ꦥꦸꦕꦺꦠ꧀ꦭꦤ꧀ꦠꦼꦔꦼꦁ꧉
꧋ꦪꦫꦣꦺꦤ꧀ꦥꦤ꧀ꦝꦸꦆꦏꦶꦏꦁꦒꦂꦮꦤꦺꦄꦫꦤ꧀ꦝꦺꦮꦶꦏꦸꦤ꧀ꦠꦶꦱꦂꦠꦣꦺꦮꦶꦩꦣꦿꦶꦩ꧀ꦥꦼꦥꦸꦠꦿꦥꦤ꧀ꦝꦮꦏꦁꦕꦕꦃꦭꦶꦩꦭꦤꦁꦏꦧꦺꦃ꧉
꧋ꦣꦺꦮꦶꦣꦠꦿꦶꦏꦥꦺꦂꦤꦃꦄꦧ꧀ꦝꦶꦤꦺꦣꦺꦮꦶꦄꦩ꧀ꦧꦶꦏꦈꦒꦣꦝꦶꦒꦂꦮꦤꦺꦥꦿꦧꦸꦏꦿꦼꦱ꧀ꦤꦣ꧀ꦮꦶꦥꦪꦤꦥꦼꦥꦸꦠꦿꦫꦣꦺꦤ꧀ꦪꦩꦮꦶꦣꦸꦫ(ꦫꦣꦺꦤ꧀ꦮꦶꦣꦸꦫ)꧉
꧋ꦤꦼꦒꦫꦤꦺꦥꦿꦧꦸꦏꦿꦼꦱ꧀ꦤꦣ꧀ꦮꦶꦥꦪꦤꦆꦏꦸꦆꦁꦔꦱ꧀ꦠꦶꦤ(ꦲꦱ꧀ꦠꦶꦤ)꧉
꧋ꦱꦮꦶꦱꦺꦠꦸꦠꦸꦒ꧀ꦄꦁꦒꦺꦴꦤꦺꦗꦼꦩꦸꦤꦺꦁꦫꦠꦸꦠꦸꦂꦪꦸꦱ꧀ꦮꦤꦺꦮꦶꦱ꧀ꦱꦼꦥꦸꦃꦥꦿꦧꦸꦏꦿꦼꦱ꧀ꦤꦣ꧀ꦮꦶꦥꦪꦤꦧꦚ꧀ꦗꦸꦂꦊꦉꦃꦏꦼꦥꦿꦧꦺꦴꦤ꧀ꦝꦶꦥꦫꦶꦔꦗꦺꦩꦫꦁꦥꦸꦠꦿꦤꦺꦏꦁꦄꦫꦤ꧀ꦫꦣꦺꦤ꧀ꦥꦤ꧀ꦝꦸꦩꦻꦴ꧉ꦱꦠꦺꦫꦸꦱꦺꦥꦿꦧꦸꦏꦿꦼꦱ꧀ꦤꦣ꧀ꦮꦶꦥꦪꦤꦧꦚ꧀ꦗꦸꦂꦩꦤ꧀ꦝꦶꦠꦭꦤ꧀ꦤ꧀ꦝꦼꦣꦼꦥꦺꦴꦏ꧀ꦆꦁꦮꦸꦏꦶꦂꦱꦠꦫꦺꦁꦒꦈꦠꦮꦮꦸꦏꦶꦂꦉꦠꦮꦸꦥꦼꦥꦫꦧ꧀ꦧꦼꦒꦮꦤ꧀ꦄꦧꦶꦪꦱ꧉
꧋ꦤꦭꦶꦏꦆꦱꦶꦃꦗꦸꦩꦼꦤꦼꦁꦫꦠꦸꦆꦁꦔꦱ꧀ꦠꦶꦤꦥꦠꦶꦲꦺꦆꦏꦸꦄꦤꦭꦺꦴꦫꦺꦴꦪꦻꦏꦸꦥꦠꦶꦃꦗꦪꦥꦿꦪꦶꦠ꧀ꦤꦭꦤ꧀ꦥꦠꦶꦃꦥꦸꦫꦕꦤ꧉
꧋ꦧꦼꦒꦮꦤ꧀ꦄꦧꦶꦪꦱꦪꦸꦱ꧀ꦮꦤꦺꦣꦮꦧꦔꦼꦠ꧀ꦔꦤ꧀ꦠꦶꦗꦩꦤ꧀ꦥꦫꦶꦏꦺꦱꦶꦠ꧀ꦪꦥꦸꦠꦸꦤꦺꦫꦣꦺꦤ꧀ꦗꦤꦏꦈꦠꦮꦥꦸꦠꦿꦤꦺꦄꦧꦶꦩꦚꦸ꧈ꦗꦸꦩꦼꦤꦼꦁꦫꦠꦸꦆꦁꦔꦱ꧀ꦠꦶꦤꦱꦧꦸꦧꦫꦺꦧꦫꦠꦪꦸꦣꦧꦼꦒꦮꦤ꧀ꦄꦧꦶꦪꦱꦆꦱꦶꦃꦩꦼꦤꦔꦶ꧉
꧋ꦱꦮꦶꦱꦺꦥꦫꦶꦥꦸꦂꦤꦗꦸꦩꦼꦤꦼꦁꦫꦠꦸꦥꦿꦧꦸꦥꦫꦶꦏꦺꦱꦶꦠ꧀ꦧꦼꦒꦮꦤ꧀ꦄꦧꦶꦪꦱꦧꦚ꧀ꦗꦸꦂꦱꦼꦣꦏꦤ꧀ꦛꦶꦣꦶꦥꦺꦛꦸꦏ꧀ꦏꦿꦼꦠꦱꦏꦱ꧀ꦮꦂꦒꦏꦁꦄꦫꦤ꧀ꦏꦿꦼꦠꦕꦲꦾ꧉
꧋ꦥꦔꦥꦸꦤ꧀ꦠꦺꦤ꧀ꦧꦶꦭꦶꦃꦏꦛꦃꦒꦼꦱꦼꦲꦶꦥꦸꦤ꧀꧈
Imajiner Nuswantoro
