Sadumuk Bathuk Sanyari Bumi
Tegese sadumuk bathuk sanyari bumi yaiku sak cekelan ning bathuk kaya sakdrijine bhumi. Amarga bathuk iki panggonan sing paling kahormat gawe wong Jawa. Mangkane aja ana sing wani nyekel sakpenake.
Sadumuk bathuk sanyari bumi yaiku berjuwang kanggo mbelani negara artinya selebar jidat selebar jari, pertahankannya sampai mati (toh pati),
Senajan mung sadumuk, nanging "bathuk" iku mono pengajine ngungkuli nyawa tumpraping priya.
Bathuk iku lambange wong wadon, mula ana unen-unen, thukmis (bathuk klimis) bathuk kinclong, minangka bebasane wong lanang sing ora bisa ngampet hardhaning hawa lamun nyawang wong wadon kang bathuke klimis & kinclong.
Wong priya ngendi sing ora nesu nalika "cilike dijiwit anake, lan gedhene dijawat bojone" ?.
Nganti ing jagad pewayangan ana lakon "Samba Juwing" amarga Bomanaraka Sura rumangsa diidak pakurmatane nalika garwane Dewi Hagnyanawati digonjak dening R. Samba sedulure dhewe.
Raden Samba dijuwing-juwing tumekaning pati amarga saka kumawani "njawat bathuke" Garwane kangmase dhewe.
Sanajan mung sadumuk yen bathuk, senajan mung senyari yen bumi, iku kawawas barang kang pengaji banget. Bathuk sing ana sirah iku lambang pakurmatan, martabat, lan harga diri. Dene bumi, sanajan paribasane mung sanyari, ing negara agraris pengaji banget. Menawa ana wong sing ngina utawa ngasorake harga dhirine utawa ngrebut bumi utawa palemahane, kudu diadhepi lan dilawan. Harga dhiri lan hak milik tumrap palemahan iku kudu dikukuhi, kudu " dipertahanake kanthi mati-matian".
Bebasan perlu dibelani kanthi pecahing dhadha lan wutahing ludira.
Akeh pradondi utawa sengketa bab lemah. Sengketa mau asring nuwuhake padudon lan ontran-ontran. Senajan perkarane wis diputus ing pengadilan, eksekusi ora bisa katindakake amarga anane perlawanan saka pihak sing rumangsa duwe hak tumrap lemah mau.
Bumi utawa lemah iku, luwih-luwih ing kutha, saya suwe saya larang regane, awit bumine ora tambah amba dene penghunine saya akeh. Sengketa lahan mau ora mung ing antarane wong siji lan sijine, nanging uga antarane bebadan siji lan sijine, malah ing antarane negara siji lan sijine.
Ing crita wayang ana lakon ”Kikis Tunggarana”, yaiku rebutan alas Tunggarana ing antarane Pringgadani lan Trajutrisna, ing antarane negarane Gatutkaca lan Boma Narakasura. Rebutan wilayah iku nuwuhake peperangan ing antarane Pringgadani lan Trajutrisna. Perang Bratayuda underane ya rebutan negara. Negara Ngastina warisane Prabu Pandhu Dewanata dititipake marang sedulure, yaiku Destarasta. Destarasta nglintirake negara mau marang putrane Duryudana. Bebasan ngemut legining gula, Duryudana sasedulur ora nglilakake menawa Ngastina dijaluk bali dening Pendhawa. Mula banjur ana perang gedhe sing jenenge perang Bratayuda Jayabinangun.
Bangsa Indonesia uga berjuwang mati-matian nalika ngrebut bali Irian Barat, Irian Jaya utawa Papua. Bangsa Indonesia rumangsa gela lan susah nalika pulo-pulo Simpadan lan Ligitan uwal saka laladan Indonesia lan dadi hake negara jiran Malaysia. Mula nalika Pulau Ambalat diirik-iriki Malaysia, akeh para mudha kang kanthi jiwa patriotisme makantar-kantar siap dikirim menyang tapel wates minangka sukarelawan.
Nuswantoro iku nduweni tapel wates wewengkon kang dawa banget. Akeh wilayah sing rentan penyelundupan lan rawan pencurian ikan. Indonesia nandhang kerugian sing gedhe marga perairane dijarah dening maling-maling iwak. Sarana lan prasarana kanggo njaga wutuhing wilayah, kanggo nanggulangi penyelundupan lan pencurian ikan, minim banget. Supaya kedaulatan teritorial Indonesia iku dikurmati dening negara liya, perlu anane angkatan laut sing kuwat kanthi sarana lan prasarana sing nyukupi. Negara utawa pihak-pihak kang nglanggar kedaulatan wilayah Indonesia kudu nampa piwales utawa dipatrapi paukuman. Sanajan mung sadumuk yen bathuk, senajan mung sanyari yen bumi, perlu dibelani nganti pecahing dhadha lan wutahing ludira.
Versi pemaknaan dalam bahasa Indonesia :
Sadumuk Bathuk Sanyari Bumi Ditohi Pati
Pepatah "Sadumuk Bathuk Sanyari Bumi Ditohi Pati" yang secara harfiah bermakna “satu sentuhan kening, satu jari luas-nya bumi bertaruh nyawa", menunjukkan bahwa masalah yang paling prinsip dalam kehidupan orang Jawa adalah "kehormatan" dan "tanah" yang akan dibela mati-matian sampai titik darah penghabisan.
Sadumuk berarti satu dumuk atau satu sentuhan. Biasanya dumuk itu sentuhan dengan jari telunjuk meskipun bisa juga dengan jari lain.
Bathuk artinya dahi atau jidat. Sanyari artinya sebesar atau seluas jari. Bumi artinya tanah. Ditohi pati artinya dibela sampai mati, dibela sampai titik darah penghabisan.
Dari arti bahasa itu kita tahu bahwa pitutur di atas mengajari kita agar menghargai orang lain.
Jaga perasaan orang lain jangan sampai membuat orang lain terlanggar kehormatan dan harga dirinya serta jangan mengambil milik orang lain.
Menyentuh wajah atau jidat seseorang dengan jari adalah suatu penghinaan. Jidat berada di kepala, sedang kepala adalah mahkota, bagian paling terhormat, sekaligus menjadi simbol kehormatan seseorang.
Imajiner Nuswantoro
