ABIMANYU
(Janturan Raden Abimanyu ing alas para kadhang mugi saget sarana mimbuhi seserapan)
Pajar wulan ing madya ratri taranggana tan wonten sumewa, ingkang kawuryan hamung wening ing cahya hyang rawi nedheng ndhadari, sumeblak keblat ing paningal tinonton sangsaya katon manising ulat eseming hyang candra, cinandra yayah suryaning kenya remaja putri hima himanda samya sumire kaya byar ginelar indhenging cakrawala.
Gunung gunung dahat ngalela lengkehe kaya ginambar hanggaler biru binabar, jajar jajar urut kendhiting langit pindha lelungitan rinengga roning kekayon ting garembel gegrobolan ules wilis yayah pinulas.
Imbanging arga candramuka ing mriku tuhu wonten wana gung liwang liwung ingkang winastan wana kredhayana inggih ing setra ganda mayit.
Pepereng miring kebak ri kemarung pating krebyah ron kemadoh glugut ingas lan kembang rawe, jurang trebis pitung yojana jinangkepan padhas curi lemah bang lan sela karang kinurung lumut wisa doyan ludira tuwin rumput pedhang pating tlalang ngadhang memangsan.
Kekayong gung mangrangsang langit bongkote ginubet rerawadan ruwet wor suh klawan glagah alang alang lung lungan rumambat grumbul ruket klayan ri bondhot sarta ri sisir, saweneh wonten prebatang rebah manglung ing jurang carange pating carongat cawuh klayan pring petung lan pring ori katingal lancip lancip hangajap bilahi.
Sato galak pating krosak singa barong hanggemprong swara gora hanggegirisi bubar kang kidhang hanggemprang mlumpat jurang ngungsi gesang, macan kombang menek prebatang handhedep handingkik peksi nanging prayitna kang iber iberan byur ambyar miber hanggegana, datan kantun solahing taksaka ingkang hambulet ing kekayon petitira kinarya cepengan badhan hamulet molah mangandhap sarwi tutuk menga mangap mangap hanyanggong ngentosi playune celeng goteng.
Merak mijil saking pakipon kadhadak kagiyat dening panggortaking warak jruntul hambregudul nerak pacak nrajang prebatang temah bubar saisining wanadri, katungka jroning wono kaya ana lindhu prahara horeg kang bumi prakempa kayon kayon sami rebah gegrumbulan bosah baseh katrajang lakuning gajah galeyah galeyah luru toya, krumusak sakbawane gadhing malang suku hanendhang tlale hanrajang singa sinasak temah sirna gemprang kaya binabadan, lutung lutung bilulungan munyuk hambeker kocar kacir monyet mesat menek mucuk kancil kontal keplayu labet samya ajrih mring sang gora birawa.
Telenging wana krendhayana mriku wonten waringin seta jajar sanga kinapit randhu alas jajar pitu, sangandhaping waringin wonten sela kumalasa ules cemani geng ira sak gubuk penceng inggih ing mriku ingkang sinebat kahyangan setra gandha mayit, ya ing dhandang mangore tuhu ing kana dhangkaning para drubiksa baju barat jim setan pri prayangan ilu ilu banaspati thetekan brekasakan gandarwa tuwin wewe gidrah, tinindhihan dhewaning panggodha pangrencana hanenggih sang pandya batari durga, pramila nora nama jeneng mokal yen ing kana tuhu gawat kaliwat wingit kepati pati bebasan sata mara sata mati jalma mara katiwasan.
Parandhene ana sesotya ceplok saka embanan sumorot tejane yayah ndharu mangsa ketiga , hanenggih punika ta warna nira satrya ing plangkawati kekasih raden ongkawijaya ya raden abimanyu ya sang pangeran wirabratana jaya murcita partasuta ya banjaransari ya jaka pengalasan , satrya muda tumaruna umpama puspita nedheng mekar hambabar gandha arum dasar bagus warnane pengawak tirta guwaya teja dhedeg ngringin sungsang tajem polatane, ruruh pasemone pasuryan nora rengeh nora rengu rengone mawa cahya sumeblak padang lati nira sinungging esem lambeyan lelewa asih mring adasih.
Eling eling darah mandhura pramila nadyan nembe yuswa 15 warsa parandene dyan abimanyu wus kasinungan kadigdayan linangkung, tautate mangsah yuda ngrabasa mengsah ijen tanpa rowang, getaping penggalih nora kena mambu tantang tan prabedha kang uwa prabu baladewa,
Nalika semana sang pekik nedheng lelana brata ngayam ayam wana kadherekaken repat panakawan catur kyai lurah semar nala gareng petruk sumawana bagong, kaya mangkana panglucitaning ndriya kyai nayantaka lamun kawedar ing lesan
Menika janturan raden abimanyu ing alas para kadhang mugi saget sarana mimbuhi seserapan
Abimanyu versi Dalang Ki Seno Nugroho.
Dalam kisah pedalangan Jawa, Abimanyu dikenal pula dengan nama Angkawijaya, Jaya Murcita, Jaka Pengalasan, Partasuta, Kirityatmaja, Sumbadraatmaja, Wanudara dan Wirabatana. Gagrag Jawa Timur bentuk dewasanya mirip Raden Permadi cuma wajahnya berwarna putih.
Arjuna yang pergi dari Kasatrian Madukara. Hal ini menyebabkan para Pandawa sedih, sebab Dewi Subadra masih menyusui Abimanyu yang saat itu masih bayi. Tiba-tiba Prabu Baladewa sebagai utusan Duryudana datang ingin memboyong Abimanyu beserta Dewi Subadra ke Kerajaan Astina. Namun Abimanyu yang masih kecil itu selalu menangis dan minta bunga Tunjungseta. Permintaan bayi itu akan diusahakan oleh Drona.
Dewi Subadra dan Abimanyu dibawa Baladewa ke Astina tetapi Dewi Srikandi ingin ikut. Baladewa melarang sehingga terjadi pertengkaran. Setelah mereka sampai di tengah hutan, Patih Pragota diperintah Baladewa untuk membawa Abimanyu ke tengah hutan bersama keris Baladewa. Pragota tanggap bahwa Abimanyu supaya dibunuh, tetapi karena tidak sampai hati, Abimanyu ditinggal sendirian di tengah hutan. Di hutan itu Abimanyu dilindungi oleh seekor gajah, burung, dan ular.
Pada waktu Abimanyu sendirian di tengah hutan ia buang hajad kebetulan mengenai Jaka Prayitna yang bertapa dan Abimanyu dibunuhnya. Peristiwa itu membuat marah sang Gajah yang mengawal Abimanyu. Jaka Prayitna dikejar gajah, burung, dan ular, sampai bertemu dengan Arjuna maka terjadi peperangan.
Gajah kembali ujudnya yaitu Bima, burung garuda menjadi Gatotkaca dan ular menjadi Antareja, sedangkan Abimanyu dihidupkan Arjuna, dan diminta pergi ke Astina bersama Jaka Prayitna untuk menemui Baladewa. Terjadilah peperangan antara Kurawa dengan Jaka Prayitna dan akhirnya Dewi Subadra dikembalikan kepada Arjuna.
